أنا نْجُرْ ونْتَ جُرْ
لْقَصْرِيُة كْبيرَة ولْخيرْ مُوجُودْ
طَايْبَةب سْبَعْ خْضَارِي
كُولِ مَزيَانْ عْلَاشْ تَقْدَرْ
لْجُودَة فْضَلْ وَرْثَتْ لَجْدُودْ
مَبْسُوطْ ب لْحَرفْ جَارِي
نَرْفَع قَلْمِي وحْرُوفِي تَحْضَرْ
نطْلَقْ سْراحُو نْعَلْمُ الصْمُودْ
ب خْطُوطْ نْزَمّمْ افْكَارِي
ف مِيزَانْ لْكلْمَة نعْبَرْ
مْتابْعَة مْسَلْسْلَة مْثَلْ لْعَنْقُودْ
مْعَانيهْ نَغْمَة لَوْثَارِي
دْمُوعْ الضَّادْ حارّة تَقْطُرْ
نَازْلَة سْخُونَة على لَخْدُودْ
ب كَيَّتْهَا شَاعْلَة نَارِي
نْكَيَّلْ لْجَوْدَة نْحُوزْ ونْعْبَرْ
نْعَلِّي السَورْ نْحَرّزْ لَحْدُودْ
ب لُغْتِي نْجَدًدْ نْهَارِي
سعيد فكاكة 26/4/2020
تعليقات
إرسال تعليق