(-) وقفة (-)
ايام العمر ذابت ياسيادي
سويعهاراحت زادت تنكادي
ماكنت عارف اش مرادي
حتى صبحت ف هذ لحال
*****
حالتي مَا تفًَرح حسادي
حملة وحدة حملْ بيَ وادي
توالمتْ الحملة مع جوادي
وعصيت ربي فشلا افعال
*****
بايت كيف الجمر گادي
النار زاندة نتقلب فرمادي
مارتحيت ماحلى ليَ رگادي
تفكرت مَ فلاخرة من هوال
******
ماباليد حيلة ؤمن قلة زادي
دمع العين على الخد غادي
نلوم قلبي ونعاتب فؤادي
بيوم لحساب مشطون البال
******
يوم ينادي ذاك النهار لمنادي
من لاول القبر لحساب بادي
ماينفعك ف هذ لحظة هذي
إلا تجاوب صح على سؤال
*****
لْهِيهْ ماهو بجاه ولا بقلادي
منك لمولاك وحيد فرادي
الأمر صعيب ما َهوا عادي
كل واحد على اعمالو عوال
******
لمعصية فيروس كيعادي
متجدرة ف قلوب لْعِبَادِ
توبنا ليك يالواحد الاحدِ
تخلى على عِبادك مُحال.
عبد الله الهواري
28/04/2020
تعليقات
إرسال تعليق