الشمس غمزات الليل
ف غفلة من الناس
باش يبق عليها ديماعساس
و يغطيها كلما تعرى لها الراس . الليل ميفهم غير بالكلام متيعرف معنى ولا الغاز
كلشي يشكيلو همو
وهو غ مدلي فمو
ما يدلي ننصيحة ما يستر فضيحة
تابع غير هواه
.معرفناه واش تيكذب
ولا بااصح راه معذبب
معرفناه صاحي
ولا جايب التمام و ناسي
.نسولو الكمرة عليه
هي خليلتو وعارفة سريرتو
. الكمرة قالت اانا براسي حيرني مرة معاي ومرة يغدرني
مرة يكون ف حضني
و مرة نلقاه لهيه
. مرة نشوفو ف مرايا
ومرة غ تنحلمو حدايا.
وخ انا زينة عليه
بهاية كيزيد غير به
سري منحكيه غ ليه
و راسي منحطو غ عليه
و حتى الا مشيت
كنرجع ليه
وخ غدار و حاسة به
هو بحالي محتار
واش يكون هبيل
وينفض كل غبار
ولا يكون عاقل
وما يعرف الدقةمنين تجيه
. دكش لاش مخبي راسو ف ايزار
باش الا سولتيه
ما يجيب خبار
ساكن ف جواه
وحامد من عطاه
حروفو تقراها ف الجوف
مسطرها بمداد الخوف
وخ ماينطق ما يبوح
كتابو عامر جروح
مخبيها ف جعابو
و كدوز مكتابو
ساكت و جامد
و للرب عابد
هو الليل واش عرفتوه
واش هذا الليل
ولا غ انا زت فيه
ولا حيت قريب مني كنواسيه
هي حكايتي مع السطور
كتبتها ومسحتها
ولحتها ف بحور
هي قصيدتي فاحت عطور
قريتها ف سري
ولقيتها نقزات الصور
باش توصل ليك و لي
و يبان لمخبي في
للغاشي وليك انت وليك انتي
ويبق صدري مرايا
صافية متكذب علي
تعليقات
إرسال تعليق