بلسان لمحتاج كنهضر
من زمان ماعندي زهر
عايش على الهامش ومستحمر
محتقر وعلى الذل صابر
فوضت أمري لله القادر
بكلمة كن كل شي بمشيئته يتغير
لي جا يستغل طيبة قلبي لمكدر
إلا طوال لساني شي نهار وعبر
وقال بصوت عالي اللهم إن هذا لمنكر
يعتبر كلامي كانون عامر جمر
كخنقو وسبب ليه الضجر
ذاك لي عطيت صوتي اعطاني بالظهر
وصلت مركز القرار يحكم ويقرر
بعدما كان لابس جلابة ونعالة ومحنكر
بآهاتي ومعاناتي مستصغر
داني بالخطاب الديني المعسول وحلو سكر
بلا حشمة يكذب وبالمكتسبات الأمة مستهتر
ديرو في بالكم لكلام الخاوي ما يجبر الضرر
واكلين الغلةوسبو بليل وبنهار
والمعوز ما بقا ليه باش ينقي ظفار
حسابكم عسير يوم لا ينفع الكرسي ولا الدولار
قاسم عاشر
تعليقات
إرسال تعليق