🛥️البحر هاج🛥️
البحر هاج
ومواجو علات
وريح قوية هبت
و السفينة غرقات
شحال من شاب مات
إنسان غامر مع الأمواج
بعدما احلامو تبخرات
الشباب يْأس في بلادو
اكْرَهْ الحياة
أصْبح العيش غير مؤتمن
مع حكومة المآسي والأزمات
⚖️⚖️⚖️
العدالة طارت وعلات
الدمى قراطية هي اللي بقات
خيرات البلاد تقسمات
على كروش لحرام توزعات
ريحة الفساد عطات
العقل ولى هايم
البقرة خرسات
حتى حاجة ما بقات تبشر بالخير
في جميع الجهات
والمسؤولين ضاربين الطم
عاطينها للنهب والسكات
الدمَّالة كبْرات
🤐🤐🤐
حرية التعبير تْسلبات
والافوام تكممات
وهذا علاش الناس هاجرت
تحدات الأمواج العاتية
من عيشة الذل هربات
الإنسان فضل سجن الغربة
بلا ما يشعــر اقطع مسافات
هارب من غربة بلادو
بغى يتحرر من عبودية الظلام
من بعدْما تبخرت لحْلام
سياسة الأوهام
سنين وأعوام
😱😱😱
الإنسان اهْبل بالتخمام
الرَّكب فاتو
ومَّلْ حياتو
أرض الله واسعة
فضل يرحل بعيد ويغامر
يبدَّلْ حياتو
من بعدما انْفَذْ الصبر
وفي بلادو تقهر
🛥️🛥️🛥️
غامر على ظهر قارب الموت
في وسط البحر
ودع احبابو وغادر
گاع ما فكر
وهذه هي قصة اللي ما عندو ازهر
ليام اعطاتو بالظهر
فضل الموت في البحر
ولا عيشة القهر
😭😭😭
زمان واش من زمان
الإنسان هاجر خارج الوطن
يبحث عن لقمة العيش والاطمئنان
غامر مع الأمواج والحيتان
أهْرب لبر الأمان
كيتسارع مع الزمان
قبل فوات الأوان.
مجدوب الحرف : محمد بلشقر 2020
تعليقات
إرسال تعليق