مَزَالْ
مَزَالْ غِيرْ نَعْبَر ونْكفَحْ
مَزَالْ لْمِيلْ مَا بْغَ يَتْگَادْ
نْجَّبَرْ ذَاتي عْيُبْهَا نَصلَحْ
نْفَيَقْها شْوِيَة شَبعَتْ رْگادْ
نْشَد لْجَامْ هْوايَا فْرَحْ
فَاتْ لقْرابْ صَاحبْ لَبْعادْ
نَفْسِي نْعصُرْ عَقْلي يَرْشَحْ
افْكَارْ وخير نافْعَة لْعْبادْ
مَزَالْ مَالْقيتْ رَاسِي
شْطُون زَامتَة انْفاسي
زَانْدَة زايْدة تَهوَاسي
حق تْكَبَلْ وبَاطلْ نْجحْ
دَارْ عَرسْ فَرّخْ جْرَادْ
ف خْضرْ ؤ يَابسْ سْرَحْ
كْلَا لَوراقْ و زَادْ لَعْوادْ
لْخيرْ إلى تْكَبْ وتْكَفَحْ
فَضلُ يوصل عْوامْ واسْيادْ
طريق النجا واضحْ مْسَرّحْ
أنا ونْتَ ف نفس لْوادْ
تْقُلْ تْعَدى قْياسي
نْتُوقْ ل خُو يْواسي
يْحَلِي مْرارَتْ كَاسِي
سعيد فكاكة 9/5/2020
تعليقات
إرسال تعليق