بغيت انبوح بما فيا خمر
ؤنقرا وجهي شعل بياض
بعد ما كان البارح سمر
ارجفت برموش العين
لما وساع ليها انضر
فسوق معشرالخلق
بين اشعابي الحق و المنكر
شفت الحق قصار ليه السان
الفم مسدود ؤ ريقو خثر
لا هو ارجع للجوف
لاهوخرج إبين الطوب من لحجر
تعلمنا لغت لبكم
ؤ قلنا راها رزانة ؤ ليها قدر
تكفينا ؤ نكفيو بشوفت العين
فسباب السيف بيد شبابنا ؤما شهر
بحيرة الغمزة الموشومة عل المنبر
واش تتكلم ولا تسقر
صدقنا لكمامة تزيد ف بها الطير الحر
الطير الحر ياكلها بين الهمزة واللمزة
ونقولوا المقذوفة راه ربي ليها امر
هاكذا على طريق لقدار
بقات الغوتا مدفونة
روضة بين الحق والمنكر
المنكر اللي كان مبحاح
اطلق سراح السانو ؤ شمر
فوسط الرحبة يدرس فحروفو
ويذاري على هواه من فوق المنبر
خيار لحروف طارو مع الريح
ؤ هو بسموم التصفاق ينثر
ؤ وجهو فلعجاجة غبر
قالو هااا لحكيم اشعث اغبر
عند الله كلامو ديما قدر
ؤ هذا صدق ؤ بهتان
راه من الكرفي إهز ؤ يشعر
بين شعابي الحق والمنكر
بقات الغوتة مدفونة
اللي كانت حكمة تتغرف
من شلال الخير
باش تطفي نار المنكر
ؤتجرف من نار المنكر
ؤ تطفي فشلال الخير
ؤ لحكيم بينهم منبر علامة
العين دواية وحبرها دموع
ؤ لقلم السان يوشم عل لوجوه
إبين اصدق من لغدر
والبسمة كانت سنان ماتعرف تنشر
وبنادم فيه حكمة مرموقة
وزماننا اليوم الخير فينا لازم يقهر
خلدنا فهاذ الدنيا خليد
ؤ لمثقف فينا ولا عنيد
عنادو بين السان ؤ فعلو
سد أزمان فقلبو زاد يكبر
ينطق ؤ لبصيرة معمية
ؤ لفعالو يشهر ؤ ينكر
لغشيم اغشيم لاش نهجيو فيه
حيلتو في كرشو ذاك علاش يقدر
يا لمثقف انا عليك نهدر
لازم تحكم وتحاكم لعقل والقلب
خللي الخير فيك ؤ بيك يزهر
من فمك ريق عسل ؤبيه شهر
حرف ولا حروف بشر ؤ صبر
خللي الحكمة عنوانك
للسب زم ونكر
النافعة فالنخلة الثمرة القاسحة
تسمات بالرطب
العربي الناصري
تعليقات
إرسال تعليق