مال طبعنا تبدل
الناس لملاح اليوم سلاو و تتمو
علاش بنادم طبعو خسر و خياب
لعباد لمزيانين سالاو و تمو
ولات لعداوة بين لخوت و لحباب
ولينا كل واحد ماديها في همو
نسينا الدرويش لي ما عندو جياب
ولا الناس بعيشت الغرب كيحلمو
الجمع تشتت لحيا عطى بلكفى و غاب
لحباب و الجيران ما بقاوش يتلمو
ولينا شي فشي يهظر بانو شلا عطاب
لبو كره ولدو اليوم ما بقى يشمو
على طاموع الدنيا فعلو خياب
حباب اللي كنا الخير فيهم نتوسمو
صدو خلفة فوجهنا سدو الباب
الخو خاصم خوه وهجر بني عمو
عاش وحداني بين وطية وشعاب
ياكل ايمين وشمال لاحد همو
يندب مع السارح ياكل مع الذياب
شحال منهم بحالو شربو من سمو
لفاع مزوقة من برا والسم فالنياب
ما بقاو يسمعو نصيحة وذانهم صمو
واللي شافوه يكرهوه يعيبوه تعياب
هاد الدنيا فاتنة ولا كلها وهمو
كلها يلغي بلغاه و شحال كثر لحساب
بيار لمحبة تردمت والبهايم رزمو
حيوط الخير تهدمت زادوها ترياب
مجاديب الرمى
محمد فاتح ولد الغيوان مع مجدوب الرمى
23/5/2020
تعليقات
إرسال تعليق