شكون يقدر الحرف
فسوق لكلام شحال ساوي
كون كانت سطور ماتسوا ذهب
مايكون لعقل مع لقلام مخاوي
كون مكان لحسد وذغينة
كون سم العكرب يداوي
واخة تكول كلام معقول
يكولو هذك سوقو خاوي
واخة حرفي
ماهو للبيع لا لشرا
علمني الزمان
ومازال منو نتعلم ونقرا
كون مكان لحليب يولي رايب
مايدار فشكاوي
فهم كلامي ياللي
متنكر للحرف وجامع وطاوي
راه كديد لما تشمش
مايولي غاوي
كون مكان لعقل يخمم
ولقلم يكتب
مايكون حرفو مساوي
لايدخلكم فكلامي لعجب
غير حسبوني داوي
راني مكنحضر
ولانشرب ما طايب
لاتكولو عليا عيساوي
الله يرزق غير الصحة
يتقاد لبصر مع لعمر
ويكون كلشي مساوي
راني غير كنعبر
وحرفي هداوي
خالد حدادي
تعليقات
إرسال تعليق