حال الدنيا
ما بقى ما يتقال
خلي كل حال على حالو
فالدنيا كثرات لهوال
كل واحد فينا
راكب على هبالو
الدرويش محتاج المال
و الغاني عايش يتباهى بمالو
ما يعرف طريق للحلال
ناسي الموت
ما دايرها في بالو
ما يزور عم ما يزور خال
ما يتزعزع قلبو
ما يزكي على ديالو
باش يرحم الناس موحال
ما يعرف فقير
ما يصدق على عمامو و خوالو
ناسي ظلمة لقبر و السؤال
ما مشى للروضة
ما شاف قبور الأغنياء لي بحالو
ما سول نفسو حتى سؤال
ما حسب عمرو
لي داز و شحال بقى لو
مجدوب الرمى
تعليقات
إرسال تعليق