كُنْ ثْقِيلْ
قْبَلْ مَا تَمْشي سَدْ لْبَابْ
إِلَى بْقَ مَحْلول يدْخُل لْبَردْ
بَاشْ تْطُول لْعَشرَة نَبقَاوْ حْبابْ
كَلمَة وَحْدَة وافْية كَافْية تْقَدْ
لَا تْسَوّلْ حْسَبْ سْكَاتِي جْوابْ
طَيحَاتْ لْغَاكْ كَتْرت مَا تْعَدْ
إلى تقطَعْ لَحْبَلْ نْتَ سْبَابْ
لْبِيرْ وَاجَدْ ؤ مَاه مَا تجْبَدْ
لَعطَشْ قَاسحْ خَلاك تابَعْ السْرابْ
عَيّاكْ الجْرا حتى صَبْرَكْ تْهَدْ
دِيرْ بوْصايَا ومْكَرْ لَنْجَابْ
كَفَة للعْقَل وكَفَة للجَهدْ
لَا تْكُونْ وْليمَة بَنّة للذْيابْ
عْرَفْ تْسَلَفْ قْدَرْ مَا تْرُدْ
لْحُرِية خَطْ حْمَرْ بْلَا عْتَابْ
باشْ زَكْرُوم بَابْنَا مَايَتْسَدْ
سعيد فكاكة 11/5/2020
تعليقات
إرسال تعليق