قصيدة *لالة عنايتي * للشاعر سعيد فكاكة

لَالَة عْنَايْتِي

أَلَالَةمُولاتِي يَا عْمَارتْ دَاري

يا لَفْريدَة لْغَاليَة أُم الدْراري

ليك سْلامِي يَا عْنَايْتِي

مْحبْتِي مع شُكْري نْقُولْها جْهارِي

خَارْجَة من اعْماقٍي بلا شْواري

يا حروفي وبْياتِي

وَردَة مْفَتْحَة وسط نَوّاري

نْسايم فَايْحَة عُود قْمَاري

يا لَمْفَرجَة كِيّاتِي

الصّابْرَة ديما لْكَاتْمَة اسْرارِي

فْضَلْ خِيرَكْ نَهرْ جَارِي

دَعمَكْ غَيرْ حْيَاتي

قَايْمَة طول دْجى ونْهارِي

بْ هَمِي وهَمْ لولَاد تْدَاري

حَاضْرة ف كل وْقاتِي

وَتَاتْنِي قْياسْ على عْبَارِي

شَنْ ؤطَبقَة عَلْمْ اخْبارِي

رُوفِي عْلِيا بَلاتِي

لْمَرأة ذْهَبْ نَعْمَتْ لْبَاري

ف الدَنْيا حَسَنَة يَا قَارِي

هِي أفْضَلْ حَسَناتِي

سعيد فكاكة 7/5/2020