حجر و طوب
ياك بنادم حجر و طوب
فيه الصالح و فيه الطالح
فيه لي حالو مقلوب
فسوايع الزمان عايش سارح
ضايع وقتو كاعما محسوب
الزهو و اللهو في لمسارح
عزيز عليه الزفوط و لكذوب
فهاد الدنيا دايع سايح
كاين لي عايش مغلوب
مربوط بحبال البارح
كبر و باقي مبغاش يتوب
و في حياتو يولي صالح
باقي عقلو منو مسلوب
ريح الزلة منو فايح
و كاين لي فعلو مطلوب
يعاون الناس فيهم ينصح
قانع و راضي بلمكتوب
ريح المسك من فعلو فايح
بعيد على الزلات و الذنوب
ضو طريقو باين واضح
خاوي بلاد الشر و لعيوب
في حياتو سعيد و ناجح
بقلمي: مجدوب الرمى
تعليقات
إرسال تعليق