سوط لغرام.....
لازمني نترجم
بي حروف لهجا
نلبس سلهام
القسيف المدموم
نتضرب بسياط
لكلام العوجة
نشرب من بير
الزعاف و لهموم
نتمرمغ و نعوم
في غيس لمرجة
نهز حمال ثقيلة
على ظهري كل يوم
نستاهل آنا
لي رجعت فراجة
نستاهل نحصد
ما زرعتو اليوم
آنا لي زرعت جناني
فالدخلة و لخرجة
سقيتو من راحة بالي
بالسر المكتوم
خلاني محتار
مقجوج آنا قجة
في بلاصت الورد
نبت فيه الدوم
نستاهل آنا نغرق
في ديك الموجة
نعيش في بحر الجفى
طول حياتي محروم
آنا لي درت النية
و تكويت
آلف كية و كية
آنا لي رسمت
صورة لغرام سراب
و وليت بيها مغروم
بقلمي : مجدوب الرمى
Le 09/05/2020
تعليقات
إرسال تعليق