***انتظار ***
باقي في الصف ننتظر
يمكن يتغير مجرى الواد فشي صباح مبكر
ؤ قريت شي كلمات من الزمان الغابر
لي حاسب نفسو يربح
ؤ لي غفل عليها يخسر
لي طاع هواه ضل
لي خاف سلم
لي اعتبر بصر
لي بصر فهم
لي فهم علم
لي علم عمل
لي زل رجع ندم واقلع
ؤ انا ايمتا زماني يصفا
ؤ نعيش ايامي فالدفا
ونكتب حروفي ؤ نقشها على لحجر
ونغرد مع طيور ويحلى سهر
ونطفي لهفة الروح المجروحة لگادية جمر
ؤ نمسح دمع العين لي هاطل مطر
ؤ تلمع نجمة سعدي وشمي ضوى البر ولبحر
ؤ نعجن احلامي ؤ نشبع جنوني ؤ نعيش لعمر
يكون زوين ونتجنب الخايب
ناشط فرحان بعدما كان الگلب طايب
مضيوم فلعذاب عايش دايب
ؤ ناسي حياتي لخبارها ما جايب
كنت المظلوم وكنت الجاني وجرح زماني
كنت الغلطان حامل هم الماضي لي بكاني
كنت تايه بين دموع ولجراح شايل احزاني
كنت صمت مجهول وسراب ليل متلف لواني
ؤ ليوم ياعشراني
اصبحت واحد ثاني
لقيت حرفي نكتب بيه لي ضاراني
يمكن نعيش هاني
**عبدالرحيم طالبة صقلي**
تعليقات
إرسال تعليق