★ ناخدو قرار ★
أجي ، ياك غير شهر باش سدِّينا علينا بابنا
ما طلبنا البعيد ... ما مدِّينا اليد لجارنا
كسكسنا ، برْوَلنا و خبزنا خبزنا في دارنا
ما كرِينا ، ما شرِينا ما طلبنا عون جوارنا
تهنينا ...
آش جانا من جار من غير الكساد و ضرب النار ؟
لو كان من زمان تلمِٓينا وحدنا ف الدار
و ما تغرٌِِينا بربيع ، اللي حرق الطوب و لزهار
كن بقينا احرار ، و ما شفنا بعد ربيعنا دمار.
كن تهنينا ...
من نهار سدِّينا علينا باب الدار ، بانو شطَّار ،
جابو افكار ، و بدات الخدمة بالليل و بالنهار
تنظّمنا ، ما بقات قمامة ، و صنعنا الكمامة
و بانو فُوهامة ، صنعو جهاز للتنفس،
و هذا افتخار ...
و بيننا اننا عيلة ذات كرامة . ذات شهامة
عندنا القادة و العلما ، و عندنا كلشي بإختصار
علاش ما نتجمعوش بعد الوبا ،
و نبنو لنا بيت جنب الغابة ، و نغيّرو مسار
شي بالكرَّاط شي بشطابة ،
نزرعو لثمار نجنيو الصابة ، بعلم و ابتكار
قولو يا رب و نشرعو دابا ،
نفتحو العيون وسط ضبابة ، و ناخدو قرار
دعوة يبداوها الأدبا ،
زجل و فصيح و نثر كتابة ، رسايل ف شعار
يزيد علوي اسماعيلي
تعليقات
إرسال تعليق