. ★ صَكُّو صَفْقَة ★
- بْـــرَاسْ الْوَرْقَة نَكْتَبْ فْ قٓلاَم
مَا بَانْ الْحَرْف فْ صُوتْ الكَلْمَة -
الزّمَان تْبَهْدَل صَاگُوه بْهَام
حَتَّى الَحْقُوق صَبْحَت حَلْمَة
جَلْدَة وَحْدَة تْفَرّقَتْ اقْسَام
وْ كُلّ قْسَم عْيَوبُو عَرْمَة
- رْسَمْت الْحَنّة بٓخٓلْطَة لَوْشَام -
- بَاهَت فْاللُّون ْصْفَر الرَّشْمَة -
كُـنَّــا قُوَّة تَخْلَع لَقْوَام
و كَان الوِفَاق فِينَا نَعْمَة
و بَعْد بْدَعْنا فِينَا الَخْصَام
مَا عَاد رْباط يْشَدّ الحَزْمَة
- حَطِّيت عَـــوْدَة فِي فُم لْجَام
وْ سِيدْ مْقَدَّم تگِـــيدو بَكْمَة -
صَكُّو صَفْقَة مَن تَحْت ظْلاَم
بِأَهْل شْهُود و هَاذِي صَدْمَة
قَطْعُـو الَوْصَال بَاعُو الَمْقَام
و حَطُّو شِعَار هْلاَل و نَجْمَة
- نَحْكِي ف حْصِير نْفَرَّش الَكْلاَم
قَالُو ف ْحْدِيث حْصِيري حَكْمَة -
يزيد علوي اسماعيلي
في : 08 - 02 - 2020
تعليقات
إرسال تعليق