★ سلطان التيه ★
سلطان التيه تاه فالثلث الخالي ★
تايه و عاجبو التيه
لا جاد جديد والا صان البالي ★
رْجَل هنا و رْجَل لهيه
مــا له فنون سوى انه مسالي ★
حاسب في نفسو نبيه
رايم الحرام جاي سارق حلالي ★
ما حشم لأنو سفيه
ضارب لعراف شاري رخيص بغالي ★
خادع بقناعو فقيه
الباني بالقش شحال قدو و يكالي ★
باقي ما زاد غير فيه
ما صان عهود و للوفا متلف جالي ★
و الواطي نلاوحو لهيه
ما ندخل جواه ، نجر عليه طوالي ★
من هو غشاش غي جليه
نرميه بعيد ، و نسد بابي بقفالي ★
ما نقرب لو وْلا نجيه
يلا كان فهيم راه يفهم سؤالي ★
نمعني و كلامي عليه
لكنو مطموس و عقلو باهت خالي ★
و داروه فالصورة وجيه
ذا حال الفيس ، لا حد عاد يبالي ★
كيف صار الواطي نزيه
يزيد علوي اسماعيلي
تعليقات
إرسال تعليق