★★ ما خايف من موت ★★
ريت الموت علينا تطوف *
و ف بنادم رجفة مع الخوف * ألطف يا لطيف
قضا من دا ما طالو الشوف *
سارح يتمشى بلا وقوف * ف مدون و فالريف
***
ذا دواه ما ف عيادة * ما تحد بحدادة *
***
لعداد في زيادة * دون هوادة * من هذا طار لهذا * ما فرق واسخ عاللنظيف
★★★★★★★
ما خايف من موت يلا تحوف *
ياك ربي سبحانو رؤوف * وانا فالدنيا ضيف
كيف نخاف و ربي عطوف *
يستجيب لرافع الكفوف * من هو عاش عفيف
***
موحد ربي ف شهادة * ما نشرك ف عبادة
***
ما نحيد جادة * كيف العادة * و ما نعادي من هو عادى * و ما نخون و عايش شريف
★★★★★★★
يلا راحت الروح غي تروح *
ترتاح و تهنى من جروح * الهم فالقبر يطيح
مآل الروح ما لازمو شروح *
يروح لعالم كلو وضوح * تلاقي رب سميح
***
تعيش هناك روحنا مرتاحة * ما تروم قباحة
***
في هنا و راحة * و قلب سماحة * ف كل ساحة * في روض فسيح
★★★★★★★
يا ربي يا عالم كل بوح *
إغفر لي ذنبي لما نروح *
و عليا نسام الهادي تفوح
و بليني بالتسبيح ★
يا كاتب لقدار عاللوح *
يا من وحى بسفينة لنوح *
يا من كلّم موسى و عطاه لوح
و رفع عيسى المسيح ★
★★★★★★★
اغفر لي ذنبي و عني اصفح
و إلحقني بالصالح اللي فلح
يا ربي يا فتاح★★
و بارك من بكلامو نصح
عطى وقتو و بعلمو فصح
و لجنان الخلد راح★★
من لا نال رضاك ما ربح
حاد طريق صواب ما نجح
و ف شرك الجهل طاح★★
يلا كنت ذنبت مولايا اسمح
و جعلني من بالجنة فرح
يا من ب يدو لسماح★★
#يزيد_العلوي_الإسماعيلي
تعليقات
إرسال تعليق