زجل
يامكتوبي
يامكتوبي ..
رسمتك خطوات
ؤ مشيتك خطوة .. خطوة
عرفت عيوبي
ؤ شلا غلطات..
ف عمر داز كيف الرغوة .
شحال قدني
نحسب ف ذنوبي
وسط قلة لحسنات
ؤ ألف مصيبة ؤ بلوى
تيقت أنا كذوبي
ؤ تبخرت ذيك لحلمات
ؤ ذابت كيف الحلوى .
جاوبني يا مجدوبي
فين ذيك لحكمات..
فين أيام الخلوى .
ؤ أنت يامحبوبي
أيامي وايامك مشات
تقطت لعمارنا العروى
تسدت بيبان دروبي
الركبة عل لمشي عيات
هاني نخيط ف لخوى .
للاميمونة : 30/11/2020
تعليقات
إرسال تعليق