الحربة :
خوا لوكر دون خبري طيري من خيرة لطيار ***
هجر رسمي بلا شوار ***
مكتاب ربي واش نعمل صرت شفايا للعدا***
قسم1:
كان تسالو يا هلي عن طري ما صبت لو خبار***
من يوم جفى على لوكار ***
بقيت هميم في رسامي دون ونسى على لبدا***
غاب عني وتاه وضحيت انا مكوي بلا جمار***
وخوات عليا الدار***
معلول عييت أش نعمل فهاذ الشدة الشادة ***
كان يغني بالسوايع فلخروج تصيبو عبار***
فرياضي بين لشجار ***
واليوم جفاه طال عني بالي موحال يهدا ***
ما كنت حراز فحياتي معروف عشير لحرار***
ساخي بدراهمي كثار***
عْشْقِي لطيور بين لغصان تكون ديما ناشدة ***
قسم 2:
كاسب من كل نوع شلا ينشدو عن طول النهار**
وغزالي سودة لشفار***
ولد أم قنين حين ينشد لفرح يعم ويبدا.***
مصاب يعود يا سيادي و يزول الهم و لكدار ***
نقطف من جناني ثمار***
شي صبرني على فراقو دموع عياني شاهدة ***
يا ترا مجلي فالفيافي ولا صبو شي قدار ***
ربي عالم بلسرار
فْرادِي وحدي لمن نشكي روحي صبحات شردة *
يمكن اشقماتو حْدِيَة ولا شي باز فلقفار***
ولا شبكة فالجوار***
شكون يكون غدر بيا نيران فالقلب زاندة ***
قسم 3:
خرجت نفتش فركاني وعييت نقول ها العار ***
نحكي للناس أش صار***
طري معروف بلحيالة زين النغمة إلا شدى***
الكسابة جميع سقصيت منهم لكبار والصغار***
طلقت البرَّاح بلجهار ***
عمات لخبار فالمدينة فحديثي الناس شادة ***
ف ظلام الليل زدت قلبت عسى نوجد لو اثار ***
وانا عقلي راه طار***
وبقيت وحيد كي لمهبول لا حد عليا ندا***
فوضت أمري الخالقي من هو عالم بلقدار ***
إشفي قلبي من لضرار***
و يرجع ولفي بين لغصان ويهب نسيم الندا ***
قسم 4:
راجع منهوك فطريقي جاني بشار بلبشار***
رْقَّاصْ مبعوت من الجار ***
يقول الطير راه ولى والدنيا ضحات ساعدة ***
سجدت وحمدت ربنا وشكرتو لمقيل لعثار***
الشافي ضري من غيار***
ضوات داري بزغاريت صحات الحومة الراكَدة***
نزايه عمات فالمنارة لشياخ ينشدو شعار*
ونسيت محاين لمرار***
أَلْمْأكُولَاتْ عْلى لْشْكال و قصايد ملحون شاخدة ***
حلة نختم بالصلا و السلام عن سيد لبرار***
محمد شارق النوار ***
سلامي للشياخ ناس معنى زين القولة الراشدة **
بيكَة رشيد يا الرايد اسمي مجنب كل عار***
تقني و حافظ لسوار***
نرجا ربي يلهمني لطريق النور ولهدى ***
رشيد بيــكة.
01/01/2020
تعليقات
إرسال تعليق