قصيدة ملحونية في رثاء الشيخ أحمد سهوم بقلم الاستاذ محمد الكزولي

من شعر الملحون:

القصيدة #الثانية في رثاء الشيخ أحمد سهوم رحمه الله.

نظم: محمد الكزولي؛

بحر: المبيت؛

قياس: النحلة للشيخ التهامي المدغري رحمه الله.

(#الحربة)

غَاب الشّيخ اللِّي درى فْعلم الْموهوب عوَامْقْ اللّْـغَـى وْالْـمعـنى سـهـوم

شـيـخ الْـمَـشْــيَـخَـة الـتَّـامَّـة

شــيـخ الْـحــكــمـة مْـع الْـهـمَّـة وْ شْـهَـامَـة

.

(#القسم_الأول)

بْـاسـم الْـحـقّْ الـدَّايْـمْ الْـحـكِـيـمْ الرحـمان الراحـم الرّْحـيـم الْحَـيّْ الْـقَـيُّـوم

خَـالْـقْ مَـا فْـالْــكَــوْن عـامـةَّ

ربّْ الْـحــكْـمَـة مْـع الرحـمـة وْ سْــلَامَـة

أْسْـمُـو خَـيْـر بْـدَا لْـكُـلّْ مْـبْـدَى راجِـي بْـاسْمُو يْصِير طَرزْ لْغَايـا مْـنْـسـوم

سَـقْــوَة لَلـنُّـخْـبَـة الْـفَـاهْـمـة

مْـنْ نَـهْـجـو لَلْـعــلُـو دروج الْـحُـكَــامـة

بَـعـد رثِـيـتْ بْحُـرقْـتْ الـدّْهُـو قَـبْـلْ الْيُوم الشّيخ جِـيـتْ ثَـانِي نْرثِـيه الْـيُـوم

جَـاتْ حــروف رثَـاه هَـايْــمَـة

وَآنــا مْـلْـهُــوم وْالـسّْــجِــيَّـة لـهَّــامــة

لْـهْـمْـتْـنِـي نْـثْـنِـي عْلْى-الثّْنَايَة فْ رثَا مْنْ لَا احتَاجْ لْ ثْـنَا شِـيـخِـي سـهـوم

شِـيــخْ اهْـلْ الْـمـلْحـونْ عـامَّـة

بْـالْـحـنْــكَـة كَــانْ وْ الـدّْرايـة عَـلَّامــة

.

(#القسم_الثاني)

كُـنَّـا كُـلّْ نْـهَـار كَـا نْـفْـقْــدو وَردة وْ الْـيُــوم يَـا اهْـلِـي ضَـيّْـعـنـا مْـشْـمُـوم

مْـشْـمُــوم الْـحـكْـمَـة الْـعَـالْـمَـة

مْـنْ ضَـاهَـى بْـالْـحـجـوج قَـوْلْ الْـعُـلَامـة

درك للّْـمْـعَـانـي مْـرامْـهـا وْ كْـذَا-الْـمـشْــيَـخَـة كْــمَـالْـهـا جَـالْ فْــكُــلّْ عـلُـوم

مْـنُّـو جُــلّ الـنَّــاس غَـانْــمَــة

مْـنْ عـلْـمْ الـدِّيـنْ وْ الـنـفـايـس لـقـدامـى

خَـلَّا مَـا خَـلَّا مْـنْ الْـكْـنُـوزْ الْـعُـظْـمَـى شَرح و اقْـوَالْ بْحْـبْـر قَـلْـمُـو مْـخْـتُـوم

خَــلَّا سِـيـرةْ شـيـخ وَاشْــمَـة

وَشْــمْ الــتُّــراث لَا وْشْـمْــتُــو وَشَّــامــة

لَـكِـنْ لْـمْـنِــيَّـة بْـأَمْـر ربِّـي جَـاتْ وْ زَهْـقَــاتْ روح شِـيــخْ الْـمَـعـنَـى سـهــوم

وْانْـرشْـڭْــتْ كْ سْـهُـومْ سَـاهْـمَـة

وْانْـضَــرمْـتْ فْـالْـقْـلُـوبْ كْـالـنَّـار ضْـرامـا

.

(#القسم_الثالث)

آ مْـصـعَــبْ لْـفْـراقْ يَـا الـذَّايْــقْ حَــرُّو وْ مْــرارتُـو قْــسَـى مْـنْ مَـرّْ الـزَّقُّــوم

مْــنْ بَـعــد سْـنِـيـنْ الْـمْـوَالْـمَــة

يَــاتِــي كْــالْـخَـيْـل فْـالْـمْـحـارك زطَّـامَــة

فُـرڭْـةْ نَـاسْ الْـعـلْـمْ وْالْـمْـوَاهْـبْ لَا لِـيـهَـا فْـالْـمْـثَـالْ فُـرڭَـة فْ عْـرَبْ وْعْـجُـومْ

فُــرڭَــة لَا تْــرجَــى مْـلَايْـمَــة

اِلَّا فِــي سَــاعْــةْ الْـحْــشَـر تَــمّْ الـلَّامَــة

صـبّْـرنَــا يَـا رازْقْ الـصّْــبَــر فِـي هَـاد الـدَّهْــوَة الــدَّاهْـيَــة بَـرّْدْ حَــرّْ الـشُّـــومْ

شَــوْمْ مْــنْ الْـفُــرڭَـة الـلَّازْمَــة

بْـتْـمَـامْ الْـحَـمْـد وْالـشّْـكُــر لِـيـكْ لْــزَامَــا

صَـبّْــر يَـا ربِّــي اهْـلُـو وْ نَـاسُـو بَـعـد مَّـا كَـانْ حَـيّْ نْـضْـحَـى حـسُّـو مْـعــدوم

وْ رسَــامْ الْـمْـفْـقُــود عَـادمَــة

مَـهْـمَـا تْـعـلَا الـشّْـمْـس تْـبْـقَــى مْـظْـلَامــة

.

(#القسم_الرابع)

لَازْمْــنِـي لْـعـــزُو فْـكُــلّْ تُـراثْ بْـغِــيـر وْصِــيّْ صَـايْــنُــو وْ نْـعـــدُّو مْـرحــوم

مَـا دامْــتْ لْـعـيُـون نَـايْـمَــة

عْـنْـوَى عَـنُّـو وْعَـنْ مْـصَـابُــو تْـتْـعَـامَــى

فَـنّْ الْـقَـوْلْ الـلَّا حـتَـاج وَاصِـي عَـاصِـي قَـوْلْ الْـهْـمَـامْ مَـا خَـطّْ فْ كَـمّْ رسُـومْ

بَـعـدْ أْمَـرهُـمْ بْـالْـمْــدَاوْمَــة

حـفْـظْ الـتُّـراث مْـنْ سْـقَــامُــو يْـتْـسَــامَـا

فْــرزُوه آ وَعـدِي وْ حـرّْفُـوه وْ طَـرحُـوهْ كْـمَـا الْـجْـرِيـح وَسْـطْ الْحَـركَـة مْـزْطـوم

حـسْـبُـو نَـاسُـو جـيْـح عـادمـة

مَـا ظَــنُّـو فْـالْـخْـلُــوفْ بَـعـثْ للّْـعــدَامَــة

مْـنْ يـوْلْـد مَـا مَـاتْ كِـيـفْ قَـالُـو نَـاس الْـمـعـنَـى وْ كِـيـفْ خَـلّْـفْ خَـلْـفُـو سـهـوم

تَـركْ اوْلَاد الـصُّـلْـبْ نَـاعـمَـة

وْ وْلَاد الْــقَــلْـبْ نَـاهْــلَـة مْـنُّــو يَـا مَــا

.

(#القسم_الخامس)

بَـاقـي شْـعـر الـشّـيـخ حَـيّْ بَـاقِـي شْـعــر الْـمَـبْـنَـى مْـعَ الْـمَـعـنَـى سْـرُّو مْـثْـخُـوم

يَـا مْـحـلَـى سـرّْ الْـمْـثَـاخْـمَـة

تْـكْـنْـزْ مْـنُّـو اجْـيَـالْ لْاجْــيَـالْ دْوَامَــا

بَـاقـي قَـوْلْ الـشّـيـخ حَـيّْ بَـاقـي مَـا ذَاع وْ شَـاع مْـنْ شْـروح الـشّْـعـر الْـمْـلْـغُـوم

فْـرزْ غْـمُـوقْ مْـعـانْ لَاغْـمَـة

مَــا حـازْ مْـنْ الْـمْـجَـازْ وْ لْـغَـازْ تْـوَامَـا

بَـاقـي قَـلْـبْ الـشّـيـخ حَـيّْ بَـاقِـي فْـقْـلُـوبْ الـنَّـاس دام نَـبْـضُـو شَـمْـلُـو مْـلْـمُــوم

لَا يْـفـنَـى قَـلْـبْ الْـمْـراحـمــة

وَلَا تْـفْـنَـى الــرُّوح لْـمْـعَــالْ الْـقَـامَــة

بَـاقـي نُـور الـشّـيـخ حَـيّْ بَـاقـي ضَـيُّـو سَـانِـي كْـمَـا الْـبْـرَقْ يْـسْـنِـي بِـيـنْ غْـيُـوم

مَـا غَـمّْـتْ لْـعـلُـومْ غَـايْـمَــة

كْـبْــزُوغْ الـصُّـبْـح لُـو تْـعَـلّْـي لْـغْـمَـامَـة

.

(#القسم_السادس)

دام عـــلَامْ الـشّــيـخ فْـالْـعــلُـو حِــيــنْ حْـيَـا فْــالْـعــزّْ وْالْـمْـهَــابَـة مْـبْــدَا وْ لْــزُومْ

لَا خُــلْـطَـة لُــو بْـالْـمْـلَاطـمَـة

إِلَّا مْــنْ كَـانْ شِــيـخْ بْـالْـهـمَّـة هَــامَــة

وْالْهْـمْ بَـعـضْ مْـوَاهْـبْ الـشّْـبَـابْ يْـنْـهْـجُو نَـهْجُـو عـلى الـنّْـجَابَـة فْـحـبْـر لْـقْـلُـوم

خَـطُّــو يَـاقُـوتَــاتْ راكًـمَــة

كْـنْ خَـطّْ عــوَالْــمْ الـدّْهَــاتْ الـرَّڭَّــامَـة

دَركْ الـشِّـيــخْ مْـحَـبّْـةْ الْـمْــوَالْـع وْ مْـحَــبّْـةْ نَـاس لَا لْـهَـا بْـالْـمـلْـحــون عْـصُــومْ

وْاظْــفْـر بْـالـشُّـهْـرَة الـتَّـامَـة

حـتَّـى جَـاتْ الْـوْفَـاةْ سْـتْـرة وْ حـسَـامَــا

حَـقّ الْـمَـوْتْ عـلْـى-الْـعـبَـاد جـمْـلَـة وْالـدَّايْــم خَـالـقْ الْـوْرى مُـولْ الْـخُـلْـد يْــدوم

لَـكْــنْ مَــوْتْ الـذّْلّْ طَــامَّــة

مَــوْتْ الْـحَـيِّـيـنْ فْـالْـحــيَـاةْ الْـغَـشَّــامــة

.

(#القسم_السابع)

مَـاتُــو جُـلّ مْـنَـابْــر الْـخْـوَا مْـنْ تْـبْـعــو الْـوْهَــى مْـعَ الـتّْـفَـاهَـة وْ حْـيَـا سـهــوم

مَـاتُـو بْـالْـفْـعـلَـة الـظَّـالْـمَـة

كَـانُـو بْـحـيَـازْتْ الْـوْجَــاهَـة ظُـلاَمــة

مـاتــو نَـاس وْصـايْـةْ الْـوْهَــامْ اصـحـاب الْـبَـرزَة بْـلَا درايَـة وْ حــيـا ســهــوم

لَا لَـجْــنَـة فْـنْـعِـيـه قَـايْـمَـة

نْـخْـطَـاوْ أْصـولْـنَـا عـنَـايَـة وْ شْـهَـامَــة

مـاتـو جَـمْـعِـيَّـاتْ كَـا يْـشِـيـعــو بْـاسْــمْ الْـمـلحـون فْـالْـمْـنَـابـر وْ حــيـا ســهــوم

طَـاحـو فْـنْـظَـر كُـلّْ عَـامَّــة

فْـالْـحــزَّة كَـايْــبَـانْ مَـعــدْنْ لْــكْــرَامَــا

مَـاتـو شْــلَّا مْـنْ حـسـاب شْــلَّا مْـنْ نْـبْــتُـو فْـالْـقْـرِيـضْ عـلَّـة وْ حــيـا ســهــوم

لَا قِــيَّــمْ سْـمَـاتْ نَـاجْـمَـة

وَلَا نَـخْــوَة وْلَا خْـصــالْ الْــعُــظَــامَـى

.

(#القسم_الثامن)

ارڭُـدْ يَـا الـفْــقِـيـه فْـالْـهْـنَـى راه الْـيُـومْ الـدَّاعـيِـيـنْ الْـغْــنَـى طَـاحـو فْـالـسّــوْم

بَـانُــو كْـنّْ خْـشُــوبْ عَـادْمَـة

مْـنْ بَـعـد نْـوِيـتْ قَــوْمْ نَخْـوَة وْ زْعَـامَـة

كِـيـفْ نْـسِـيـر فْ ذْا الْـمْـسَـار سَـالِـي بَـعـدّْمّـَا رِيـتْ مَا حضَى مْـنْ حُـڭْـرة سـهـوم

فْ حـيَاتُـو لْـصـوَاتْ صَامَّـة

وْكْـذَا بَـعــد الْـوْفَـــاةْ صــمَّــا وْ بْـكَــامَــا

هَـذَا حـالْ شْـحـالْ مْـنْ مْـجَـالْ تْــدَنَّـى وْ ضْـحَـى دلِــيـلْ بَـعــد الـنّـصــرة مْـهْــزُومْ

عـار عـلْـى-الْـكـثْـلَـة الـزَّاعـمة

مْـنْ زْعـمُـو زُور بْـالـسّْـيَـاسـة وْ حـكَـامَـة

عـار عـلْـى-الـنُّـخْــبَـة الـدَّاعــيَــا لْـعـنَــايَــة وْ الْــبَـالْـغَــة للّْــبْـروج بْـلَا سَــلُّــوم

لَا رَحــمـة فْـقْــلُــوبْ راحـمـة

تْــرحــم تُـراثْــنَـا يْـنْـــظْـــفْــر بْـكــرامــة

.

(#القسم_التاسع)

يَـا راحـم لْـعـبـاد جُـود بْـالـرَّحـمـة عَـنْ شِـيـخ الْـمْـراحـمـة مْـنْ لَا كَـانْ يْـلُــوم

نَـاهِــي كُـلّْ اجـنَـاسْ لَايْـمَـة

أحـمـد سـهـوم كَـانْ خَـاطِـي لْـمْـلَامـة

يَـا غَـافْـر لْـزْلَالْ جـود بْــالْـغُـفْـران عـلَـى كُـلّْ مَـا خْـطَــا بْـالْـجـهْــرة وْ كْـثُــوم

اغْـفْــر لُـو يُـومْ الْـمْـزَاحـمـة

يْـخْـلْـد فِـي جَـنّْــة الْـنّْــعـايْـمْ بْـسـلَامـة

وْارزُقْـنَــا الْـعـوِيـنْ وْالـنّْـبَـاهَـة وْالْـوجْـد مْـعَ الْـقْـبُــولْ عَـسَّــى الْـبْـدِيـع يْـدوم

مَــا دامْـتْ لْـفْـنُـونْ دايـمــة

لَا سِــيَّــمَــا فْـجــوفْ هَـاد الــدَّوَّامــة

دَوَّامْـةْ لْــوْهَـامْ وْالْـمْـيُـوعـة وْ ضْـرِيـبْ الـطَّـرّْ بْـالْـجْـهَـر لَلْـحَـرف الْـمْـشْــؤُومْ

لَا نْـسـمَـة فْــلْـغَـاه نَـاسـمَــة

وْ اشْــبَــاح الـنَّـقْـد وَاهْـمَـة كَـا تْـتْـرامَـى

.

(#القسم_العاشر)

هَـا روح الْـمْـرحــوم شَـاهْــدَة يُــوم اروَى لِـيَّـا مْـعـان ذاَكْ الْـقَـوْلْ الْـمْـعــلُــوم

قَــالْ: الـنَّـاسْ الْـيُـومْ هَـايْـمَـة

مَــا جْـهْــلُـوهَـا يْـحـاربُـوهَـا بْـنْـقَــامَــة

سَـابْ الـتَّـسَـيُّـبْ كِـيــفْ خَــلَّا وْالْــيُــومْ آواه زَاد سَـــابْ الـشّـــقّْ الْـمْــرڭُـووم

شْـفْــتْ اهْــلْ الـتّْـسـيَـاب زَاعـمَة

وْ تْـقُـــول أَوَاه سَـــابْ ڭَـور الْـعَــلَّامَــة

يْـنْـهِـيـوْ الـسِّـيـبَـة مْـنَـاسْـيـِيـنْ الـسِّـيـبَـة هُـومَـا بْـعَـيْـنْـهَـا كِـيـفْ ذْكَـر سـهـوم

وْ اسْـخَـط عَـنْ شِـي صـرفْ جَـارمَـة

جُــرمْ يْـنْـصـفُـوه فْـالْـقْـصـاص الـرَّجَّـامَـة

لَا يْـلُّـو تْـلْـمِـيـذْ دون نَـجْـلُـو حَـسَــنْ وْ هَـكْــذَا حْــكَـى لِـي فْ سْــلَا سُـهــوم

كُــنَّــا فِـي جَـلْــسَـة مْـلَايْـمَـة

وْالْـيُــومْ الـزُّور شَــاع مْـنْ شِـي حَـجَّـامَــة

مْـنْ سَـلّْــمْ عَـنُّـو يْـقُـولْ شِـيـخِـي وْ يْـظـنُّـو فُـلْـكْ بِـه يْـسـتْـر عَـيْـبُو فْالْـعَـوْم

وْ اهْـلْ الـصَّـحّْ تْـغُـوص عَـايْـمَـة

فْــبْـحــور الْـحــرف وْالْـمْــيَــازْنْ عَــوَّامَــة

يَـــا هَـــادو لله را الـشّـــيـــخ بْــــلا مَــوْهِــبَـة وْ لَا عـطِـيَّـة مَـا لُــو مْــنْـظُــومْ

قَـصـدِي طَـرزْ نْـظَـامْ نَـاجْــمَــة

مْــثْـلْ انْـظَـامْ الـفْـحـولْ فْ عـصـور قْـدامـا

 

يَـــا هَـــادو لله را الـشّـــيـــخ بْــدُونْ دْرايـة  كْـمَـا-الْـوْهَـايَـا سَـاسُـو مْــردوم

مـهْـمَـا زْغْــتُـو بْـالْـمْـضَـامَّــة

مـهْـمَـا جْـبْـتُـو الـشِّـيـنْ بْـالْـخَـالْ وْ شَـامَـة

 

يَـــا هَـــادو لله را الـشّـــيـــخ بْغـِـيـر عْـنَـايَـة كْـمَـا الـرّزَايَـا عُـودُو مْـڭْـســوم

بْـالـسُّـوسَـة لْـجْـوَافْ سَـاقْـمَـة

جْـبْـتْ الـسُّـوسَـة نْـفَـاقْ وْالْـمَـسْـخْ سْـقَـامَـة

 

فِـيـقُـو يَـا وَعـدي وْ شَـمّْـرو لَلْـحَـرف وْ نْـسْـجُـو بْـدِيـع شَـكْـلْ وْ مَـعـنَـى مْـبْـروم

بَـهْـرونَـا بْـمْـرامْ رايْـمَــة

أَمَّــا لْـهْــجُــو مْـعَ الـزّْروبَــة مْـجْــدَامــة

 

وْ اسـمِـي يَـا مْـنْ صَـايْـغْ اللّْـغَـى مـحـمـد مْـحـزُومْ لَلْـوْغَـى الْـكْـزولـي مْـعـلُــوم

بِـيـنْ اهْـلْ الْـحـركـة الْـحـازْمـة

 وْ خْـيُـولِـي كـالـنّْـسـور فَـحـلَـة حَـوًّامــة

 

مـلَّالِـي مْـسـقِـي مْـنْ الـشّْـيَـاخَـة حـكْـمَـة وْ اخْـلَاقْ راقْـيَـة لَا نْـسْـعـى لْـخْـصـوم

خَـاطِـي دَعـوَاتْ الْـمْـهَـاجـمَـة

جْـنْـحِـي مْـخْـفُـوضْ لَلـنّْـبَـاه الْـعُــلَامــة

 

كَـا نْـسـعـى لَلْـخَـيْـر وْالْـهْـنَـا كَـانْـجْـهَـر بْـالْـحَـقّْ كَـا نَّـاصـر صَـوْتْ الْـمْـظْـلُـوم

وَاقْــفْ لَلْـغُـشْـمَـى الْـغَـاشْـمَـة

فْ لْـهَـاهَــا كْـاللّْـجَــامْ صـنْـع اللّـجَّـامــة

 

بَـارودي مْـدكُـوكْ فْـالْـمْـكَــاحــل مْـنْ صــنْـع الــرُّومْ لَلْـعـدَا حِـيـن تْـرِيـد تْـروم

مْــنْ هَـاجْـتْ بْـقْـلُـوبْ قَـاتْـمَـة

والـهَـاجـم لا يْـلـو فْـالـوقــار ذْمـامــة

 

يَـا مْـنْ هُـو رامِـي مْـنْ الـرّْمَـى صِـيـغْ طـرِيـزْ ابْيَـاتْ عَالْـمَة مْـنْ هَـاد الْـمْـنْـظُـوم

تْـغْـنِـي عَـنْ كْـتْـبَـة مْـفَـاڭْـمَـة

مْـنْ قْـلْـمْ اشْـبَـاح فْـالْـكْـنِـيَّـة نَـظَّـامَـة

 

ربـــي يــا مُــولَايْ لَا تْـحــافِــيـنِـــي بْــذْنُــوبِـي وْ شَـــرّْ فْـعــلِـي فِـي ذَاكْ الْـيُــومْ

فْـذْنُــوبِـي لْـطـرافْ عـايْـمَــة

مَــا لِـي اِلَّا عـفُـوكْ مْـنْـجَـى وْ سْـلَامَـة

 

لَا تْـجْـزِيـنِـي عَـنْ خْـطَـا خْـطَـايَـا لَا تْـجْـعَـلْـنِي مْـنْ الـرّْضَـى وْالـرَّحـمـة مْـحـروم 

يَـا ربّْ الـرَّحـمـة الـرَّاحـمـة

نَـجِّـيـنِـي مْـنْ لْـضَـى الـنَّـار الْـمْـضْـرامـة

 

وْاكْـرَمْـنِـي بْـكْـرايْـم الـنّْـعـايْـم نْـضْـحَــى فْـالْـخُــلْـد وْالْـهْــنَـا فْـجْــنَـانْـكْ مْـنْـعــوم

فْـقْـصـور الـنّـعـمَـة الـنَّـاعـمَـة

نْـغْـنْـمْ بْـالْـحـور وْالـسّْـلَامَـة وْ كْــرامـة

 

اَنَـا وْاحـبَـابِـي وْ مْـنْ قْــرَا ذْا الْـحُــلَّـة بْـلْــوَازْمْ الـسّْــمُـو وْالْـحــسّْ الْـمْـنْـســوم

نَــاسْ الـطِّـيـبْ مْـع الْـمْـسَـالْـمَـة

بِـهُــمْ راقْ الْــكْــلَامْ وْ حــلَاتْ الــلَّامَـة

 

وْالْـخْـتْـمَـة بْـالـنَّـدّْ وْالْـعـطَـر وْ تْـبَـاخْـر الْـعْـطُــور فْـالْـمْــبَـاخْـر قَـوْلِـي مْـخْـتُــوم

يَـا مْـحـلَاهَــا خَــيْــر خَـاتْـمَـة

بْـمْـطَـايْــبْ كُــلّْ طِـيـبْ تْـحـلَـى لْـخْـتـامَــى

 

وْسْـلَامِـي دِيـمَـا فْـكُـلّْ خْـتْـمَـة لْاهْـلْ الْـمـعــنَـى مْـع الـفْـقَـاهـة وْاقْــطـابْ الْـقَــوْمْ

مْـنْ ظْـفْـرو بْـلْـسـونْ صَـايْـمَـة

عَـنْ كُـلّْ مَّـا يْـعـود غُـصَّـة وْ نْـدَامـة

 

وْالـصَّـلاةْ الـلَّا لْـهَـا حْـصَـا وْالـسَّـلامْ الـلَّا يْــلُـو حْـصَــر عَـنْ طَـهَ الْـمْـعـصــوم

أُمّْـتْـنَـا بْـهْـدَاهْ سَـالْـمَــة 

يْـشْـفْـع لِـيـنَـا جْـمِـيـع يُـومْ الْـقِـيَّـامَــة

 

.

 

*تمت بعون الله*

 

.

شعر الملحون؛

قصيدة: رثاء الشيخ أحمد سهوم (الثانية)؛

نظم: محمد الكزولي/ بني ملال / 2020.