زجلية بعنوان * نريد لبلادي نعود*
تبعت اهوال التيه ، و غـامرت و قطعت حدود
كنت نظن بلاد الــــرّوم زاهية و عرصة الورود
بعد سنين من تعب و كد ، لقيتني تالف مفقود
في بلاد لا فيها صديق ، و لا ريحة لَجْدود
دقيت الابواب ، و كل بــــاب قفلو مسدود
مــــا لقيت فين نلود ، و لا كريم بالجود يجود
نريد لبلادي نعود ...
نريد لبلادي نعود ، مغربنــــا ارض الاسود
بين جبـال الأطلس و بْحار و صحاري سدود
نريد لبلادي نعود ...
نريد لبلادي نعود ، بلاد خيرها مــــا معدود
فلاحة و العمران و كل مـــــا تطلبو موجود
نريد لبلادي نعود ...
نريد لبلادي نعود ، نساهم في عمـارة و نقود
و تــاريخ المغرب من قديم ضارب ممدود
نريد لبلادي نعود ...
نريد لبلادي نعود ، و نكون حبة من عنقود
و مـــــا نعود نفرقو ، و به نربطني بقيود
ب ✏️ يزيد العلوي الاسماعيلي
في 22*12*2020
تعليقات
إرسال تعليق