«« حين حكمو شنّاق »»
كيف خاوة خاوة و الخو حاكمينو شُناق ؟
ما يراعو جورة ، جهال ما يفهمو ف لباقة
كيف خاوة خاوة و الخو طامسينو سُراق ؟
بكذوب و بهتان و زعيهم صايگ لعياقة
ريح الغل زكم لنيوف ، فاح وسط الاسواق
ما يشمو عاقل و اللي لبيب ما له لو طاقة
مَن سمع لكذوب الشناق يا سيادي يحماق
و زايد يخرّج عينيه و ما عليها دراقة !!
قالو : الكسكس و القفطان ديالهم بلوراق
و ابن بطوطة و طارق قايد الزلاقة !!
كذا الكتبية خـــادوها و زادو شيشاق
مــا تركو تراث إلا و جندو لو سراقة !!
و دازو للملحون و لقاو للملحون عشاق
و مع شيخ الوهبة ، ما تفيد شناق فياقة
مدهم بالدليل ، مرمدهم بحجة و سماق
و حاورهم بلين و غشا اللين دق المطراقة
هاذي حقايق الشناق واضحة دون زواق
من لا لهم في التراث لا جمل و لا ناقة
ذوك من جارو جور على بلادنا بالنفاق
و جابو مرتزق و بكيدهم صرفو للعاقة
جمهور الحمّاق لمّوه من حومة و زقاق
رماوهم فقرعة ، و غلقو عقولهم بغلاقة
رماوهم ف تندوف كما جردان ف لنفاق
و حتى تّشادي و المالي دارو لهم بطاقة
ياك كنا خاوة من قبل ما يجور الشناق
و حين حكمو سراق ما بقات بينهم علاقة
ما نخاوي إلا العفيف من عف التمراق
و ما نصاحب الا من صان حق جورة و صداقة
يزيد العلوي الاسماعيلي
تعليقات
إرسال تعليق