★ واااااه يا جيلالة ★ قصيدة لا تمس بشعارنا الدائم خاوة خاوة مع الشعب الجزائري الشقيق ، الذي نتضامن معه كمغاربة و لا نكن له الا الحب و التقدير ، رغم كل العراقيل و الخلافات التي تسبب فيها الكابرانات
★★★
ذاك طاح و ذاك تعلّا ، ذاك طار و ذاك تدلى
ذاك فاز و خاد الغلة ، و ذاك تـــابعاه مذلة
واااااه يا جيلالة ، قولو لي شهاذ الحالة
وااااه يا بوهالة ، لَقطيع صايگو من والا
ذاك الرخيص فيه اللولا ، عمى ضرير عينو حولة
دار شعب بلا دولة ، و الذيب من قاد الحملة
جمااااعة حتالة ، خداو لوم بعد طريحة
ف رماااااقهم جلالة ، و دافعين ف السنطيحة
غالي رخيص يعاني علة ، تابع من باع الملة
هما بجوج وحلو وحلة ، و جناو مز مر و دفلة
رفااااگة معلالة ، حين خطاو طاحو طيحة
قاااادو بجهالة ، و فعالهم عطات الريحة
جا بْعِيب جا بالزلة ، فعلو قبيح عمرو يحلى
تركو قوام تبعو قلة ، و البعض راه عليه تفلى
شااااهدو بهذلة ، و خداو من الحر طريحة
صناااادل و نعالة ، و فين هو شن قريحة
ذاك طاح و ذاك تعلا ، ذاك طار و ذاك تدلى
ذاك فاز وخاد الغلة ، و ذاك تـــابعاه مذلة
واااااه يا جيلالة ، قولو لي شهاذ الحالة
وااااه يا بوهالة ، لَقطيع صايگو من والا
هذا بنى شاد و عمّر ، و ذاك ما جاب له خْبَر
ما زرع ما حصد ما طمّر ، لْهى ف المكر و الغدر
ناااارو شعَّالة ، كل يوم يجيب فضيحة
عصاااابة و عُمَلَا(ء) ، بناو وكر للشبيحة
مكَّار كر ساعات يفر ، ما قوى عالجيش الحر
حمام ف الگراگر گرگر ، الفراقشي ما خاد شبر
ماااا جْدات بسالة ، و جيشنا زاحو زيحة
احفااااد الرجّالة ، رصّو صفوفهم صحيحة
هذا طغى و طبعو لَغدر ، شعارو الشر و الفشر
معمي ضرير والا يبصر ، ف غيرو نيفو يحشر
رباااعة قتّــــالة ، و القبايل بدات جريحة
بْطاااالة و عطالة ، و الشعب ما جداتو حيحة
عسكر ما بنى ما عمَّر ، و كذوب الاعلام يدمَّر
ف الَخْبر غيَّر و زوَّر ، هذا قوم الله يستر
واااشهاذ الحالة ، ضربو لَلبلاد الجيحة
بهااام و كُسَالَى ، فيهم ما جدات نصيحة
اعلامهم راه يحيَّر ، طالق بوقو و يزمَّر
عسكر راه فيه يسيَّر ، و لِشاعة تسبق لَخبر
خباااارهم ف دلالة ، ما سوات سُوم شْريحة
ماااا لْقو رجَّالة ، يقولو قوال صريحة
كذاب طل بوجه احمر ، ف العسكر مجَّد و شكر
لا زيت لا دقيق لا سكر ، و حتى الصنبور مسكر
هااااذي بهدالة ، و حياة ما بْقات مْريحة
عطاااالة و بطالة ، و لا عيشة بقات مليحة
ملكنا بالخير هْضَر ، ما راد حدودنا تتسكر
و العسكر ما ردّ خبر ، و يا ويل من لا له نظر
خداااعهم سلالة ، و سمّهم كْما بوصيحة
فعااااالهم ندالة ، فيهم ما جدات نْصيحة
#يزيد_العلوي_الإسماعيلي
تعليقات
إرسال تعليق