يَا عَايَش عِيشْة اللّيَام * لا قِيمة لك لا شْيام
لَاهِي ف النِّيف يا الغافل و عَبلة فِيكُم حاكْمة
عبلة تلهيك بالكْلام * و كْذوب اخْبار لِعلام
فتَّح عينيك و شُوفْها كِيف هِيَ فالَحْراك شاتْمة
فِيقُو عِيقُو يا نْيام * و يَكفِي تَطبِيل للزّْلَام
حَمْقى ف بْلادكُم حَكْمو و صَفْوَة بْحرِيگ حالمَة
صفّْ و طابُور عَالدّْوام * لا حليب لا زيت لا قْوام
و من راح ارتاح نام و حلم و جْنَب ما يَلْقى الما(ء)
يْبِيعُو خيرات بالكْوَام * و بلادكم باقْيَة ركام
المُورَادِيَّة ف خِير تَنْعم و عَبلة فِيكم لاجْمة
تاجْرو بالناس ف الخْيام * لا ما(ء) لا ضُو ف الظلام
خمسين سنة الناس ملَّت كَلَّت و اليوم نادمة
زُور و بهتان عالدّوام * و دْخُل ف اللعبة يْمام
تاريخ و دين حرّْفوه ف بْلادك و الناس نايْمة
ما قُلْتُو عِيب لا حرام * و حتى كذاب ما تْلام
هذا يكذب ذاك يحلف ف مكة و الناس حارمة
ذا جاه رسول فالمنام * ذوك رقصو و هزّو علام
وسط الكعبة يا سيادي زلُّو و الناس غانْمة
ف المَطار خاضو خْصام * ف رحلة السلم و السلام
البارح ف الطواف كانو و اليُومَا فْ الْمْلاكمة
دولة تسجَن ف الشّْهام * و تعطي قتَّالة وْسام
ولا من عارض او ندّد بهاذ الفَعلة الصادْمة
يا حسرة عليك يا ايَّام * ما بقى نخوة ولا حكام
لا ناس بْلادكم سعدو وَلا جيران سالْمة
عدوان يْناصرُو عجام * ف تقطيع بْلادنا قْسام
و الله كريم ما يْجي في صفّ الفرقة الظالْمة
دگُّو ف ظْهورنا سْهام * و شتمونا بلْسان سام
و راح فْعَلهم دون جدوى و صارت لقوام فاهْمة
و نْقول آصاح ف الخْتام * مَثْلة قالوها فْهَام
الِّلي حفر حفرة يْطيح فيها و يلقى سوء الخاتْمة
تعليقات
إرسال تعليق