★سألتك يا شمس★
طلت الشمس من المشرق طلعت و بقات عالية
على كل الكون ضاوية
و ف لحظة ما بغات تبقى و رحلت من بلاد لبلاد
سألتك يا شمس لاش تجري قولي لي فين غادية
نفهم علاش ناوية
واش حنا ما من مقامك و لا عندك شي مْعاد
قالت يا صاحبي سمحلي راه الكبدة كاوية
حُبّي من ها الناحية
واجب عليا نزورو و ما نقدرو نبقو بعاد
بالله عليك يا شميسة يا لغزالة الزاهية
قولي شكون هاوية
واش هو قمر او نجمة و لا شي سيد من سياد ؟
يلا كان قمر نمشي نجيبو و لو بأسوام غالية
و نحضروه في ثانية
و يلا نجمة غير ختري و نجيبو منها عداد
و يلا هو سيد يا شميسة نجيبو هو و زاوية
غير بقاي لِنا هانية
و نجعلو فصولنا مواسم و ايامنا كلها عياد
قالت لا لا.. لا تفاصل راني نا ما مسالية
لا تعطلني وا هيا
محبوبي فيا يساين لا تسبب لي في نكاد
شكون يكون يا شميسة كوني عافاك داوية
مالي نشوفك ساهية ؟
من فضولي بغيت نعرف ياك حنا ماشي حساد
قالت : حبيبي المغرب وانايا ليه ماشية
وحدي من غير حاشية
نطل عليه و نشوفو و نبرد نار في فّاد
وجدة نزورها و تازة و كذا طنجة العالية
و دكالة و الشاوية
و كل زناقي و حارة ما ننسى حفرة و واد
بعد ما نشوفو نرتاح نطلق عني الخامية
و ننعس نعسة هانية
نحلم باحياتنا الزينة و نسبح في بحر لوساد
يزيد علوي اسماعيلي
تعليقات
إرسال تعليق