كيف نصبر؟
كيف يصبر من هو قاعد عالجمر؟
الگادية فيه النار و حالتو شرارة
كيف يصبر من همو قاسم الظهر؟
دموعو على خدو و حياتو مرارة
ما سمع حد غواتو * ما صغى حد صواتو
راه كاتم كياتو يعاني المر
كيف يلقى منجا من فاقد الزهر؟
لا ربح في بيعة والا درى شطارة
كيف ينجا من غارق وسط البحر؟
لا سفن جوارو و الا لقى بحارة
ما لحق باللي فاتو * حد ما طاق نجاتو
ولا قرا حد براتو و مات بالقهر
كيف يصبر من قلبو ضاق من الصبر؟
و يتسنى الفجر يجيه بالبشارة
كيف يطلع من هو طايح فالقعر؟
و ما يرى من امل شعا و لا يمارة
وسط ظلمة قهراتو * وسط عتمة ظماتو
و حلمة ما نسّاتو و فيه كتجر
كيف يصبر من قلبو ب همو عمر؟
من رفقة صحاب نهات بالخسارة
كيف يندم من كان بشبابو تغر؟
و ما فكر للشيب لما يجي غرارة
ما اسفاد ممن فاتو * ولا من سبقو و ماتو
لاهي ف حياتو من مهد للقبر
كيف ينظر من هوَ فاقد النظر؟
ما افهم بالمعنى و لا يعي يشارة
شكون اسمع للزجال لما جا شعر؟
ذاك حسبو غنوة و زهى بالقصارة
ما سرح بين بياتو * و آش الحروف حكاتو
لاح كلش ف قفاتو و لا بشِي شعر
آه يا سامعني شعري مشى خسارة
و ذاك حامي لشعار ف يومنا غبر
هذا زمان التيك و فيس و التصارة
و ما فلح الا من عرا على الخصر
لرداف ف الروتيني قالو : مهارة
و زوجها يتباهى و بوجهو احمر
حطوها ف الطوب و عطوها الشارة
و ذاك ينظر لنهود و ذاك للذبر
آشمن جد بوها هاذي من حضارة
اللي تخلى رجل ياكل من الكر
بقلم: يزيد العلوي الاسماعيلي
تعليقات
إرسال تعليق