نشكي لله بما غزى غزة من عدوان
و طفل و رضيع ســــايرة فيه دبيحة
بنو صهيون ســــاقهم مارد و شيطان
و دعم العربان لآل الارض شحيحة
خرجو لحرار للشوارع في كل اوطان
لكن صهيون مـــــــــــــا يبالو بالصيحة
هدو لسوا ر و هدمو جدران و حيطان
مــــــاتت آلاف و زيد عن ذاك جريحة
فين العربـال فين اهل الله الشجعان؟
يوقفوا وقفة ضد هــــــاذ الشبيحة
فين الفـقـها اهل السنة و القرآن ؟
يمدوا دعــوات او فتوات صحيحة
فين الطلبة صحاب اللحية و الادقان؟
مــــــــا سمعنا ف صوتهم والا تبريحة
فين النخبة عــــــــــالم اديب و فنان؟
يوعيو القوم و ينيرو القريــــــــحة
فين الثروة لي نملكوها بالاطنــــــان؟
مـــــــــــــــا جبدناها ولو غ بالتلميحة
فين الامة، و اللمة كما ذ زمـــــــان؟
او كل مشى و بقــات غير السنطيحة
ش قالت القمة لقبطان و قايد لركان؟
خــــــــــــادو قرار اولا غير الحيحة؟
لك الله غزة يـــــــــــــــا عزة لوطان
خييتنا خـــــــــايبة و عطات الريحة
يزيد العلوي الاسماعيلي
تعليقات
إرسال تعليق