على قياس الفياشية
لا ثقة ف الفيَّاش ♕
من جا بكذوب و فِيش
هذاك طبعو غشاش ♕
يستاغل ف الدرويش
لا تخوض معاه نْقاش♕
و عاملو بالتهميش
و يلا سألك علاش ♕
تجاهلو و لا تدويش
واش شفتو شي فشفاش ♕
صان العشرة و العيش
اولا ريتو خفاش♕
طالع ف جناحو ريش
و لو جمعك يوم نقاش ♕
مع الرعديد الرعشيش
من نقاشو دير بلاش ♕
باش ما تجني لَفْشِيش
و لا تصاحب من هو راش ♕
او عابد البقشيش
و لي سْقِيط و قشّاش ♕
ما يليق معه تْعيش
كية حظو من عاش ♕
مثلي ذو قلب هشيش
ينهي عمرو كدَّاش ♕
ما لاقي باش يْعيش
الفشيش: صوت الهواء الخارج من اناء
رعشيش: جبان
فشفاش: كذاب
فياش: المتظاهر بالرفعة و هو وضيع
كداش: شحاد
هشيش: رهف الاحساس
يزيد العلوي الاسماعيلي
تعليقات
إرسال تعليق