««لْغَى الْغَا»»أو««حديث الغِين»» قصيدة عبارة عن صراع مع حرف الغين 😂
لُغْة لْغَانَا بَازْغَة ف غْنَانا تغْوِي مْن صغَى
و تَغْرِي مَغْرُوم باللَّغَا
امَّا مَن جَا غْرِيم بَاغي لُه مِن نخَّال ما بْغَى
ف غْنَاه غْنَى مْعَ انْغَام و غُنَّة لِلْغِيم بَالْغَة
مِن غِير غْلُو وْ لَا لْغَى
تغْري مَن غَاص غُور الَبْغُو و يْغَازَل بالمْبَالْغَة
تْبَاغَثْ وْ بَاغ بَاغِي من بَاغَت و بَاغْيَة نْغَى
ف غَابَة من غِيدْ فَارغَة
ف غْسَق الغروب بالْغْوات غْوَاتُو لُغَات صَابْغَة
فَارغ لَدْمَاغ غَارق غِيسْ ردَاغ و ذَاك ما بْغَى
مَا غْزَل ف غْرَام مَا نْغَى
ب الغِلّ وْغَل حِين غَار ف غَار الغّمَّة الفَارغَة
و رَاغب الُغْنَان مَا غْنَاه غْنَانُو لَدْغَة يْلا طْغَى
من غلُّو زَاغ ف الوْغَى
غرِّي مَغْلُوب مَن رَاغ و مَن لَاغَى بالمْرَاوْغَة
لُغْة لْغَانَا بَازْغَة ف غْنَانا تغْوِي مْن صغَى
و تَغْرِي مَغْرُوم باللَّغَا
امَّا مَن جَا غْرِيم بَاغي لُه مِن نخَّال ما بْغَى
شروحات لمفردات بعضها عامي و بعضها فصيح
اللغا = تبادل الحديث
اللغى = من اللغو و الزيادة في الكلام
الغيم = الغيوم
غار = حفرة
غار = مِن غار يَغار (فعل المغيار)
غار = من غار يُغير ( كر او هاجم)
لبغو = الحب
تباغث = من باغث اي تفاجأ
باغت = (من البغي) فجرت
نغى = من تناغى اي تلاطف و تبادل...
غيد = حسان و جميلات
غري = غشيم
راغ = مكر و خدع
رداغ = غيس = وحل ( طين مبلل)
نغى = غازل
غنان = جدال لا طائل منه
وغل = لم يجد مخرجا (حصل)
لاغى= مازح و هازل
باغي = ظالم
باغي = يريد
باغ = ثار و هاج
بقلم يزيد العلوي الاسماعيلي
تعليقات
إرسال تعليق