يا من راك حزين مما جرى البارح
آشنو ذنب اليوم يعيش ذاك الهموم ؟
كيف يبسم حظك لو ما لقاك فارح ؟
يا النادب حظك طول النهار مشؤوم !!
يا معانق لَحزان أْسَاك لاش صالح ؟
ترى الدنيا بدالة ولا شيء يدوم
نسى هم البارح حتى و لو جارح
و بْنِي فرح لْغدا و بداه من اليوم
يا ساكن العتمة و ف النهار سامح ؟
ما لاحق بقمار ولا طايل نجوم
لاش شارد لذهان ، وْعى ، فين سارح ؟
لا تضيع عمرك بين العتاب و اللوم
كن صاحي واعي و للفوز كن طامح
و لا تهاب عواصف ولا تخاف من شوم
دير ثقة فالله فين ما تكون رايح
« ما خاب من وكّل الحي القيوم »
بقلم يزيد العلوي الاسماعيلي
تعليقات
إرسال تعليق